0692.61.65.00
contact@runconcept.com
[layerslider id="8"]

Kisa nou lé ?


12 lané lèspésializasion i ansèrve azot

Nana 12 z-an lazanse Run’concept la fénésanse. Run’concept sé in lékip konésèr kab mète ansanm é an rézo. Noute savoir fin dann bonpé métié, noute lanvi bienfé, lo gabié noute travay i fé noute singuilarité.


Nou pranpar lavansman noute péi-tèr-lor

Nou nana bon kapasité, nou lé gabié osi dann plizièr z’ot métié, nou mète noute lénérzi po kontan noute klian, délorsk zot i pranpar po alé dann sanse fé avanse noute péi-tèr-lor

100%

Gayar-gouss

In gadianm  lazanse
Po èd azot

Kosa nou fé ?


Nou mète noute kapab po èd domoune èk lantropriz. Noute poinn vizé :

  • fé ou rofé lo portré, lo gayar in moune,
  • guinye la klarté vizavi son bann-moune,
  • fé konète son bann paroli, son bann poinfor, son lanrasine-maziné,
  • fénète lanvi kap son lidantité, son bann produi,
  • dovnir inn réyonèr,
  • anvalor son manièr-oir vizavi bann pouvoir publik é privé,
  • aranz son bazar taktik dési la toil-babouk,
  • fénète é fé marsh son e-renomé,
  • prann konsèy èk in lantromète,
  • konète fason-fèr bann zournaliss, konète par kèr zouti po pran la parol,
  • formasion pou aprann ansèrve la toil-babouk, é travay èk bann média,
  • prémazine larlik oubien tasmanir trète vitman é komkifo bann problème po évite trikmardaz.

Noute l’ADN :
Kod-de-vi, kapasité noute toute ansanm, réspé-la-parol èk

Pokosa domann apré nou ?


Nou lé la

Akoz dann lékip Run’ concept nana bann profésionèl, zonm kom fanm, prévoiyan, kapab é lib po trouv lo solision zot la bézoin. Akoz lo travay-bien-fé, lo kod-de-vi é lonèkté sé bann valèr i diriz toute travay nou fé. Akoz èt ansanm zot, po kontantman zot kèr, alala noute prinsipal bivizé.


Nou lé in bransh Synap

100% lib, Run’ concept lé dirizé par son nésansèr Romain Lefebvre, li fé parti lo Synap dopi 10 z-an, é ziska lèr-la li lé son sèl roprézantan La Réunion. Lo Synab sé lo sindika national z-atashé d-prèss é konsèyèr rolasion publik

100%

Lib

Noute travay-randu

Agarde noute guinye-fé

Po konète pliss èk in paké...

Trètman dézorde-larlik

  • Konsèy avizé
  • Rannkonte fine
  • Dovann-portré / Kozfor-pou-di
  • Lantrométaz
  • Rannkonte dann larlik

Lianaz média

  • Trètman lidantité
  • Plan-taktik
  • Lianaz média
  • Lakonpagneman la prèss

Mayaz z’institusion

  • Plan-taktik
  • Lianaz rézo publik
  • Mayaz z’institusion
  • Kozman i réyone
  • Rannkonte moman-for-la-vi

Tèknolinformatik

  • Konsèy
  • Lo kosa-nana-anndan
  • Vizilanse èk e-ronomé
  • Filtalé-partou

Laprantisaz

  • Lo mète-an-pratik
  • Laprantisaz noute métié
  • Lakonpagneman apré laprantisaz
  • Laprantisaz dédan-déor

Lo gadianm anpliss run’concept

  • Kontantmann-kèr dann travay
  • Lo ron fénésansman
  • Lakonpagneman gagnan
  • Rannkonte promète-fé

Noute lékip konésèr

Toute ansanm anou mèm kapor
Ophélie Ferrare
Konséyèz an rolasion z-institusionèl é an rannkonte moman-for-la-vi

Ophélie Ferrare nana plizièr lané léspérianse dann z-institusion lerop, dabor èl lété lèd-parlemantèr in député lerop éspagnol, aprésa èl la fé la politik pou Eurodom. Ansuite èl la travay pandan sink-an dann moman-for-la-vi. Grass tousa léspérianse-la, èl la niabou rante dann lékip Run’concept. Abitié rante dann ron la politik é travay dési bann dosié tèknik, èl i èd bann klian dann zot rapor avèk bann z-institusion é zot rannkonte moman-for-la-vi.

Max Sattonnay
Konséyèr sénior Komunikasion Politik é Digital
Anne Laure Delamotte
Konséyèz sénior dann Rolasion Média é Rolasion Publik

Toulolon son karièr, Anne-Laure Delamotte la fé dé métié : él lété zournaliss pandan 5 an, ansuite résponsab rolasion média, in travay èl i fé dopi 2011 dann lékip Run’concept. El i suiv spésialman bann désidèr lékonomi é z-institutionèl dann zot manièr réyoné, é pou sa èl i diriz ansanm bana zot rolasion èk bann média. Kom èl la fé in formasion lunivèrsité an Manazmante distribusion é an dévelopman lokal, in fon an rapor èk lékonomi i rosorte dann toute sèt èl i fé.

Romain Lefebvre
Prézidan Run’concept, Rolasion publik é lorganizasion

Grass son rézo filtalé, Romain Lefebvre i èd klian lazanse mète an plass toute mayaz rolasion publik. Li lé galman lantrènèr é lantromète. Li la fénésanse Run’concept, é dopi 10 z-an li akonpagne toute kalité désidèr kan zot la bézoin komuniké. Li travay ansanm zot dési zot manièr réyoné é dési zot plan datak dann réspé zot promète-fé. Li lé zérantèr MEDEF La Réunion. Li lé galman in bransh la Téknopol La Réunion é li partisipe bann gran prozé sitoiyen kom Démorun, in liss lété kandida zélèksion rézional 2015, oubien kom Moné-péi pou mète an plass in ot moné an pliss la moné lokal.

Alexandra Farre
Résponsab la-min-dèv-salarié
é fénésansèz kontantmann-kèr dann travay

Grass son formasion fanm-de-loi é aprésa résponsab la-min-dèv-salarié dann plizièr groupman patron, dopi toultan Alexandra Farre té an folamour bann nouvo fason amène travay. Son bonpé gran kalkilé parapor z-antropriz lib é kontantmann-kèr dann travay la pouss aèl rante dann lékip Run’ concept. El i partaz lo mèm fasonvoir Run’concept. Résponsab bann zanploiyé-biro, Alexandra i batay galman po ankouraz lo guinye-an-konfianse son bann dalon-travay, po mète-an-lèr zot bien-èzté é féviv « lo mète ansanm dann travay »

Thomas Lauret
Konséyèr an Rolasion Média
é Rolasion Publik

Thomas Lauret lété journaliss la préss ékrite kotidiène La Réunion pandan 10 z-an, son gayar lété bann tèm lékonomi.
Son konésanse dann lékonomi i zoué in rol dirèk dann son rolasion avèk bann média, akoz li konpran plibien lo bézoin é lo-kosa son bann vizavi i rod-fé. Li koné parkèr lékonomi lokal, é problèm nana pou dévelop péi-tèr-lor.

Fleur Postaire
Formatriss é Konséyèz sénior an Rolasion Média

Fleur Postaire i travay dopi 12 z-an dann Rolasion Média, dabor Paris, ansuite La Réunion dopi 2012. Zordi, èl lé résponsab dévelopman la formasion shé Run’concept, in nouvo laktivité èl i dévelop pou shakène i pranpar son prop rannkonte, é pou sa zot i forme azot dann toute diféran métié i trouv dann Rolasion Publik. El mèm la aprann mète an pratik, él i anime formasion é z-atélié avèk toute kalité publik, lo bann tèm sé la priz la parol, èt bien-èz po koz dovan domoune, èt bien-èz èk bann média, é biensir son domène préféré, Rolasion Média.

Fabienne_Azalbert
Fabienne Azalbert
Konséyèz an Rolasion Média é Rolasion Publik

Avan Fabienne Azalbert lété journaliss, aprésa èl la travay dann la prèss ékrite, ansuite la radio. Pandan kat lané èl la prézante matinal RTL Réunion. Komsamèm èl la dékouv toute kalité tèm kisoi fédivèr, kisoi lékonomi, sansa la politik lokal. Zordi, èl i fé profite toute klian Run’concept son léspérianse èk son savoir-fèr an rolasion publik é rolasion média